أنا هقفز على كل ما قيل جملة.
وأقول: أنقذوا شبابكم وبناتكم من الإباحية وزوجوهم،
شاب بَلَغ وهو ابن 12 سنة، نتركه بدون زواج حتى سن 30 بل و35؟
20 سنة يكتوي بنار الشهوة تعصف وتفتك به!
مين من الشباب الشهوة تأجج داخله 20 سنة ولا يقع في هذه الورطة التي صار الوصول لها سهل؟
ثم بعد ما يدمن الشاب مشاهدة الإباحية والعادة السرية 15 - 25 سنة من الإدمان يتزوج!
سيظل يشاهد الإباحية حتمًا،
اتقوا الله في أولادكم، زوج ابنك قبل ال20 وبنتك قبل ال15 إن رأيت أنهما أهل لذلك ويرجع الأمر لشفوف نظرك،
وإياك والتلاكيك المجتمعية، فهذا المجتمع خطر على ابنك، استرجل وواجه المحتمع واحمي ابنك وبنتك.
لكن سايب ابنك عنده 30 سنة بدون زواج ازاي؟
أعلى نسبة فتوة وشهوة وقوة هي فترة العشرينات وما حولها،
سَل كل الرجال هل شهوتك وقوتها وعنفها في العشرينات مثل الثلاثينات مثل الخمسينات؟
الإجابة بلا شك لاااا.
فتأخير زواج ابنك وهو ابن 30 سنة ينتج عنه:
- إدمان الإباحية أو العادة السرية = ضاع فيها قوته وفتوته
- عندما تزوج بعد ال30 صار ضعيفًا جنسيًا أصلا بسبب السن + بسبب الإدمان، أو على الأقل صار فحولته ليست كما من 10 سنين،
فلا هو استمتع بشهوته عندما كان فحل الشهوة، ولا هو استمتع بزوجته لما امتلك امرأة،
تأخير الزواج خطر أسري
#الإباحية_شر_كبير
============
تعليقًا على منشور:
============
✍️كنت رايح معاه إمبارح في مشكلة زوجية اتعرَّضَت لها أخته مع زوجها
لما رحت لقيت نفسي في بيت والده وأخته موجودة هناك وهي اللي طلبتني علشان تستشيرني في حكم طلب الطلاق من زوجها
مكنتش قاعده هناك غضبانة ولا شئ ، عايشه مع الزوج عادي بس عاوزه تعرض حياتها وأفعالها على الشرع علشان تشوف هي ماشيه صح وللا غلط
⬅️الأخت دي اتزوجت من حوالي 3 سنوات ، معاها دلوقتي طفلة (ربنا يحفظها) ، قبلت الزواج من الشاب ده لما عرفت إنه ملتزم وبيشتغل مُحفظ قرآن وأهله ناس ملتزمين جدًا
قبل الزواج قالولها إنه بيعاني من مرض عصبي (إكتئاب ثنائي القطب) وهي جزاها الله خيرًا تَقبَّلَت ده وقبلت بالزواج منه
بعد الزواج مباشرة اكتشفت إن الشاب اللي تزوجها مُدمن إباحية 😥
صدمة الأخت وهي قاعده تحكي معايا معاناتها كانت بتعبر عن دهشتها ، وإنها إزاي مكنتش مستوعبة إنها ممكن تختار حَد عنده دين ظاهري ثم تكتشف أمرًا كهذا
المصيبة الأكبر إنها بتقوللي: (مكنتش أعرف حاجة خالص عن الموضوع لإني آخري موبايل بزراير إلى الآن ، هو اللي بدأ يعرض عليا الحاجات دي ويكلمني عنها)🙄
لما انهارت راحت لوالدته علشان تنهاه عن اللي بيعمله وعاوز يعمله معاها فاتفاجئت بوالدته بتقول لها: (عادي يابنتي ، أنا عارفه كل دا من وهو شاب صغير ، ثم الموضوع خاص بيه انتي مش هتتحاسبي عنه)
الرد بتاع والدته كان هيعمل للبنت فتنة في دينها ، بتقوللي مش مستوعبة إني كنت أسمع التبرير ده من ست كبيرة ظاهرها الإلتزام
كل دا كوم وهمته في شغله كوم تاني ، مش بيحب يشتغل ولا عاوز يتحرك من مكانه ، بتقوللي إنها لو أهلها ساعدوها بشئ مادي بتحطه في البيت علشان هو بيكون مقصر غالبًا في إحتياجاتنا المادية
وفي النهاية قالتلي: (أنا بصراحة ياشيخ طلبت من أخويا يدخلك تفهمني أعمل إيه ، أنا بقيت أستخير في الطلاق كتير اليومين دول)
سألتها عن وضعه دلوقتي وحاله مع ربنا قالتلي: (هو كل فترة يحاول يرجع ، آخر مرة دخل دورة في واعي علشان يخرج من اللي هو فيه ، دلوقتي كل ما اسأله إنت لسه بتعمل ده يزعق ويقوللي: (انتي كل شوية تفكريني ؟ أنا خلاص مبقيتش أعمل كدا)
وبعدها بكتشف إنه رجع للإباحية تاني 🙇♀
أنا بقيت في حيرة ياشيخ ، منين الشرع يطالبني أحسن له التبعل في الوقت اللي أنا مش طايقاه ولا مستوعبة اللي بيعمله
⬅️بعد ما الأخت خلصت كلامها بدأت أتكلم معاها بهدوء شديد بعد ما سألتها عن موقع الزوج في عيلة والده ، وبعض التفاصيل عن حياته ، وقلتلها ركزي معايا في الكلام ده 👇
زواجك من الشاب دا وهو عنده مرض نفسي ولم يقم بإخفاء المرض عنك من البداية توضح إنه موقعش معاكي في غش ولا شئ
طبيعة المرض اللي بتتكلمي عنه كمان من أعراضه الدخول في حالات تغير مزاجية ومنها الإكتئاب والعزلة ، وهو دا الوقت اللي الشيطان بيسيطر عليه فيها
الإباحية نوع من أنواع الإدمان زي أي إدمان ، بيحتاج فترة تعافي ، وبيحتاج حَد ياخد بإيده ويطلعه منه ، لازم تكوني واخده بالك إنك مشيتي معاه مشوار كويس جدًا في العلاج ربنا يأجرك عليه فبلاش بتضيعي اللي عملتيه
قالتلي: (هو فين المشوار ؟)
قلتلها: (المشوار بدأ من ساعة ما طلب منك حاجات تعمليها من اللي بيشوفها وانتي رفضتي وأبديتي له بشاعة الموضوع ، بعدها الشاب بدأ يبحث عن التعافي والعلاج من خلال واعي زي ما قلتيلي ، دخوله في مرحلة العلاج يفهمك إنه ماشي صح ، فيه مراحل أكبر من كدا بكتير لنساء تمادوا مع الأزواج في الحرام)
اتعجبت وقالتلي: (مراحل أكبر من كده ؟)
قلتلها: (في زوج جه ليا قبل كدا يطلب مني أتدخل علشان أرجع له زوجته اللي تركت البيت ، ولما سألته عن السبب قاللي إنه مدمن إباحية وبقى يخلي زوجته تتفرج معاه فبقت تتفرج علشان ترضيه ، بعدها طلب منها تصوير فيلم لها وموقع من مواقع الإباحية قبضوه مبلغ مالي بالفعل ، والزوجة سلعة التنفيذ هربت من البيت)
الأخت صرخت وخبطت على دماغها وقالتلي: (إزاي الكلام دا ياستير يارب)
قلتلها: (دا موقف حصل معايا فعلًا وكنت مستغرب إزاي ممكن نفسه المريضة تسول له إني ممكن أساعد في رجوع زوجته له تاني بعد المصيبة دي)
الأخت حست إنها في إبتلاء ولما شافت السقف من فوق بدأت تهدأ وتقوللي: (ياشيخ بالله عليك انصحني)
قلتلها: (ياأختي محدش منا معصوم ، وزي ما بقول للشباب ميغتروش بلباس ظاهر للمتدثرات فأنا كمان خايف على الأخوات من أصحاب السمت الظاهر من المتدثرين ، وكل حالة ولها درجات ، بس تمشي في علاج زوجك صح)
سألتني عن حل أَمثل لوضعها فقلتلها: (أكبر غلطة إنك كل شوية تستخيري في الطلاق منه ، بتستخيري تقولي إيه ؟!...بتقولي اللهم إن كنت تعلم أن طلاقي من زوجي خير لي في ديني ومعاشي ؟!..😏...انتي ملكيش حق ولو 1 % في طلبك دا ياأختي ، ولو كل أخت اكتشفت شئ في زوجها [قابل للعلاج] وطلبت الطلاق الشيطان هيتمكن من البيوت المسلمة)
قالتلي طب اديني خطة للعلاج ، أنا بدأت أفهم
قلتلها اعملي اللي هقولك عليه دلوقتي 👇
1/ زيادتك في حسن تبعلك هو دليل قُربك من ربنا سبحانه وتعالى ، ولما هتقربي من ربنا دعائك لزوجك هيكون أكثر إستجابة وربنا هيصلحه ليكي (استعيني بربك في علاج زوجك علشان صلاحه هو صلاح بيتك وذريتك)
2/ اوعي تجيبي سيرة الطلاق على لسانك ولا تخليه في خياراتك ، مش معقولة كل ما زوجك يحاول يتوب والشياطين تتفلت من البيت تسمعك تاني بتفتحي لهم باب الأمل في الطلاق فيرجعوا تاني للسيطرة عليكوا
3/ علاج زوجك هو أكبر ضمانة لحياته مع بنته ، إنتكاسته ممكن تدخله في حالة مش هتأمني على بنتك معاه (زنا المحارم مبيكونش بغير الإباحية)
4/ اوعي تجيبي فلوس من بيت والدك وتحطيها في البيت ، لما تعرفي إن زوجك بيتواكل على ده متساعديهوش فيتواكل أكتر ، الزنقات هتعلمه يعتمد على نفسه ويحس بالمسئولية
5/ زوجك مريض ، لازم تستوعبي ده ، والمرض قد يكون هو الداعي لكل ده ، لازم تستعيني بالله وتاخدي بإيده ومش كل ما يجيله دور إكتئاب تفضلي تنغصي عليه وتزعليه ، احتويه هو مش عاوز أكتر من كدا ، احتويه بدل ما الشياطين هي اللي تحتويه
6/ لازم تفهمي إنك بتحسني التبعل (لله).. لو فهمتي دا هتعمليه بنفس راضية وربنا هيرضيكي
7/ انتوا لسه بادئين حياتكوا ، 3 سنوات مش حاجة ، أساسًا أول 7 سنوات هي مرحلة إنكم بتفهموا طباع بعض ، فاتحملي شوية علشان ربنا يكرمك ويهديه
⬅️في النهاية الأخت شكرتني جدًا وقالتلي أنا كنت منتظره والله أسمع كلمتين زي دول ، جزاك الله عني خيرًا
#تصحيح_مفاهيم_الزواج