- حضرتِك مطلقة أو مختلعة؟
= آه يا أحمد ليه؟!
- لا تتكلمي في قضايا الأسرة، فضلا عن أن تكوني مستشارة أسرية.
= مالها المطلقة؟ هو علشان اتطلقت اتخرس؟ ما يمكن العيب فيه؟ وبعدين انتَ واقف في صف الرجالة ليه؟ وهو تقدر تقول نصيحتك دي للرجالة المطلقة؟ ولا انت مش بتتشطر غير على الستات؟ أنا فاهمة كويس أنا بقول إيه، أنا معايا ماجستير، أنا درست على يد شيوخ، أصلاً المفروض اللي يتكلم في الأسرة الستات لإن الرجالة المفروض تعمل حاجة أهم من كده بدل ما تقعد تلت وتعجن زي النسوان، ولا انتَ عاوز النساء تتواصل مع الرجالة علشان شهواتكم؟ ما فضايحكم بتظهر كل يوم والتاني، الواحد منكم عامل مؤدب من برا وهو في الخاص حاجة تانية، انتَ خايف السبوبة تروح منك، متخافش يا مولانا تلك أرزاق ولن آخذ رزقك، خليك مؤمن إن رزقك هيجيلك بدل ما انت قاعد خايف آخذ منك استشارة، هتلاقيك بتاخد 1000 جنيه على كل استشارة، وبعدين روح جاهد بدل ما انت بتنتقدنا! من يوم ما انتوا تركتوا الجهاد وكل ده بيحصلنا، هو علشان طلع لك شعريتين في دقنك تقولي اسكت؟ المرأة على عهد الرسول كانت تفعل كل شيء، وعائشة علمت الأمة، أنا متأكدة إنك عاوز النساء يكلموك انت وتقعد تسهر معاهم ع التليفون طول الليل، ماهو مفيش راجل طبيعي يقول للنساء تعالوا استشيروني أنا، الاستشارات مبتطلبش يا شيخ، أنا مش عارفة اللي زيك متساب ليه لحد انهاردة، تلاقيك عامل شيخ ومتجوز على مراتك بنت قاصر، لما تيجي تعدد خليك راجل وعدِّد في العلن مش تخاف زي النسوان.
- خلصتِ؟
= آه يا أحمد.
- لا تتكلمي في قضايا الأسرة، فضلا عن أن تكوني مستشارة أسرية.
#قطوف_حول_البيوت